विविध स्पर्धेत औरंगाबाद च्या खेळाडूंनी १० सुवर्णपदक पटकावून केली चमकदार कामगिरी
औरंगाबाद : गोवा राज्यातील मडगाव येथे झालेल्या खुल्या राष्ट्रीय मैदानी व जलतरण स्पर्धेत विजेत्या स्पर्धकांचा महाराष्ट्र नवनिर्माण सेनेच्या वतीने सत्कार करण्यात आला. या राष्ट्रीय जलतरण स्पर्धेत तब्बल दहा सुवर्ण पदक पटकावण्याची चमकदार कामगिरी खेळाडूंनी केल्याबाद्दल त्यांचा महाराष्ट्र नवनिर्माण सेनेचे जिल्हाध्यक्ष सुहास दाशरथे, शहराध्यक्ष सतनामसिंग गुलाटी, यांच्या हस्ते सन्मान करण्यात आला. यावेळी व्यासपीठावर मनसेच्या महिला जिल्हाध्यक्षा विधीज्ञ नूतन जैस्वाल, डिफेन्स करिअर अकादमीच्या संचालिका वैशाली भोसले, विभाग अध्यक्ष अशोक पवार पाटील, राजू खरे, किरण गवई यांची उपस्थिती होती.
स्वामी विवेकानंद नगर, हडको,एन.१२ परिसरातील डिफ्फेन्स करिअर अकादमी येथे आयोजित कार्यक्रमात मडगाव येथे झालेल्या खुल्या राष्ट्रीय मैदानी व जलतरण स्पर्धेत औरंगाबाद च्या खेळाडूंनी आपली चमकदार कामगिरी दाखवून सुवर्णपदक खेचून आणले. यामध्ये जलतरण स्पर्धेत विधीज्ञ मिरा बाशा यांनी दोन सुवर्ण, मुकेश बाशा तीन सुवर्ण तर राजेश बोसले यांनी भालाफेक, थाळीफेक स्पर्धेत प्रत्येकी एक सुवर्ण तर जलतरण स्पर्धेत तीन सुवर्ण पटकावले. या स्पर्धेतील खेळाडूंना प्रशिक्षक श्री. पगारे यांनी मार्गदर्शन केले.
स्पर्धकांनी या राष्ट्रीय स्पर्धत दमदार कामगिरी करत दहा सुवर्ण पदक प्राप्त करून आपल्या शहराचे नाव उंचावले. या सत्कार सोहळ्याप्रसंगी या वेळी मनसेचे शहर सचिव संतोष कुटे, सहसचिव दिपक पवार, राहुल कुलकर्णी, चित्रपट सेनेचे जिल्हा संघटक युवराज गवई, विभाग अध्यक्ष चंदु नवपुते, सुरेश जाधव, हेमंत जोजारे, बाबुराव जाधव, राजू चव्हाण, कृष्णा घायट, नीरज बरेजा, गणेश साळुंके, अविनाश पोफळे, रामकृष्ण मोरे, तरुण जैस्वाल,जगदीश लिंगायत ,सुशील कुलकर्णी व परिसरातील नागरिक उपस्थित होते. प्रदीप ठेंगडे यांनी सूत्रसंचालन केले.
