Subscribe to our Newsletter
Loading
राजकीय

मी दूध काढतो , बैल धुतो…! मी हाडाचा शेतकरी: रावसाहेब दानवे

mh20live newtork

औरंगाबाद:शेतकरी आंदोलनासंदर्भात केलेल्या विधानाबाबत पत्रकारांनी विचारले असता दानवे म्हणाले, ‘मी हाडाचा शेतकरी आहे, कागदावरचा नाही. गायीचे दूध काढतो, बैल धुतो, गाडी चालवितो. ज्याने शेतीच्या क्षेत्रात जन्म घेतला, तो शेतकरीविरोधी विधान करूच शकत नाही. आपल्या बोलण्याचा विपर्यस्त केला गेला,’ असा खुलासा त्यांनी केला. त्यावर विपर्यस्त कसा झाला यासह अन्य प्रश्नांची सरबत्ती पत्रकारांनी करताच त्यांनी भाष्य न करता पत्रकार परिषद आटोपती घेतली.

नव्या कृषी कायद्यांविरोधात दिल्लीत सुरू असलेल्या आंदोलनामागे चीन, पाकिस्तानचा हात असल्याचा दावा केंद्रीय मंत्री रावसाहेब दानवे यांनी नुकताच केला. या वृत्तानंतर विरोधकांनी टीकेची झोड उठवली. शिवसेनेने त्यांच्या राजीनाम्याची मागणी केली, तर प्रहार जनशक्ती पक्षाने आंदोलन करत माफीनामा मागितला. या पार्श्वभूमीवर केंद्रीय मंत्री दानवे यांची जालना रोड येथील एका हॉटेलात मंगळवारी पत्रकार परिषद झाली. यावेळी शहराध्यक्ष संजय केणेकर, प्रदेश कार्यकारिणी सदस्य प्रमोद राठोड, भगवान घडमोडे, राजगौरव वानखेडे, माधुरी अदवंत, सविता कुलकर्णी, मनीषा भन्साली, विजय औताडे, मदन नवपुते, राजेश मेहता, अमृता पालोदकर, राम बुधवंत उपस्थित होते. यावेळी दानवे म्हणाले, ‘केंद्र सरकारने पारित केलेले कृषी कायदे हे शेतकरी हिताचे आहेत. लोकसभा, राज्यसभेत यावर दोन्ही बाजुने चर्चा झाली. राज्यसभेतही चांगली चर्चा झाली, पण मतदान वेळी विरोधकांनी गोंधळ घालत लोकशाहीची पायमल्ली केली. गोंधळ घालत विधेयक थांबविण्याचा प्रयत्न केला. मात्र, बहुमताने राज्यसभेतही हे कायदे पारित झाले. कायदे पास झाल्यानंतरही एक महिना वातावरण खराब नव्हते, पण त्यानंतर या कृषी कायद्याविषयी गैरसमज पसरविण्याचे काम विरोधकांनी केले,’ असा आरोप त्यांनी केला.
मी कागदावरील नव्हे, हाडाचा शेतकरी. शेतकऱ्यांची कुणीही विटंबना करूच शकत नाही. माझ्या बोलण्याचा विपर्यास्त केला गेला,’ असे म्हणत केंद्रीय मंत्री रावसाहेब दानवे यांनी मंगळवारी पत्रकार परिषदेतून काढता पाय घेतला.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close