Subscribe to our Newsletter
Loading
राजकीय

अजितदादा, एक तर तुम्ही माझ्या घरी या किंवा मी तुमच्या घरी येतो

पुणे | राज्यातील दोन मातब्बर नेते उपमुख्यमंंत्री अजित पवार आणि विरोधी पक्षनेते देवेंद्र फडणवीस आज एकात मंचावर नवीन वर्षाच्या पहिल्या दिवशी एकत्र आले. त्यामुळे त्याठिकाणी टोलेबाजी पाहायला मिळणार हे सर्वांनाच माहित होतं. याच पार्श्वभूमीवर देवेंद्र फडणवीसांनी आपल्या भाषणावेळी हास्याचे कारंजे उडवले.
भामा-आसखेड पाणी पुरवठा योजनेचा ऑनलाईन पद्धतीने लोकार्पण सोहळा पार पडला. यावेळी हा प्रकल्प पुणेकरांच्या दृष्टीने कसा महत्वाचा आहे हे सांगताना फडणवीस म्हणाले,जर दोन-तीन दिवसांच्या बातम्या द्यायच्या असतील तर एकतर तुम्ही मला चहाला तुमच्या घरी बोलवा किंवा तुम्ही माझ्या घरी चहाला या. असं म्हणताच उपस्थितांमध्ये एकच हशा पिकला.

उपमुख्यमंत्री अजित पवार आणि विरोधीपक्ष नेते देवेंद्र फडणवीस एकाच मंचावर येणार असल्याने या कार्यक्रमाकडे राज्याचे लक्ष लागले होते.पहाटेच्या शपथविधी नंतर अजितदादा आणि फडणवीस एकाच मंचावर येणार असल्याने पुणेकरांना यानिमित्त अजित पवार आणि देवेंद्र फडणवीस यांची राजकीय टोलेबाजी पाहायला मिळेल अशा चर्चा गेले काही दिवस चालू होत्या.
दरम्यान देवेंद्र फडणवीस यांनी, ‘सर्वांनी एकत्रित येऊन लोककल्याणाची कामे करायची असतात. आज या पाणीपुरवठा योजनेच्या माध्यमातून पुणेकरांचा एक मोठा प्रश्न मार्गी लागतो आहे. पुणेकरांना या कार्यक्रमाची जेवढी उत्कंठा नव्हती, तेवढी मीडियाला होता. आता मी आणि दादा एकत्र येणार असलो की दोन दिवस बातम्या चालतात आता आम्ही काय कुस्ती करणार की गाणे म्हणणार होतो. त्यामुळे अजितदादांनी एकतर माझ्याकडे चहाला यावे किंवा मला तुमच्याकडे बोलवावे, मीडियाला बातम्याच बातम्या मिळतील,’ असं मिश्किल भाष्य करत फडणवीसांनी पवारांना आमंत्रण दिलं आणि उपस्थितांमध्ये हशा पिकल्याचं दिसून आलं.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close