ईव्ही चार्जिंग नेटवर्क प्रदाता स्टार्ट-अप टेलिओ ईव्ही चे भारतातील पहिल्या मानवी क्यू आर कोडसह ‘ग्रीन वॉरियर्स मोहिमे’द्वारे सुमारे 50,000 झाडे लावण्याचे उद्दिष्ट आहे.
औरंगाबाद : औरंगाबादमधील स्मिता अपसिंगेकर या तरुण महिला उद्योजिका यांनी “ग्रीन वॉरियर” मोहिमेची घोषणा करून शहराला गौरवान्वित केले आहे. ही मोहीम त्यांच्या स्टार्ट–अप टेलिओ ईव्ही , इलेक्ट्रिक व्हेइकल्स चार्जिंग नेटवर्क प्रदाताचा हा उपक्रम आहे. या उपक्रमाचे वेगळेपण म्हणजे आपल्या भावी पिढ्यांसाठी पर्यावरण चांगले बनवणारी ही भारतातील पहिली मानवी क्यू आर कोड मोहीम आहे. टेलिओ ईव्ही , त्याच्या ‘ग्रीन वॉरियर्स मोहिमेद्वारे ‘, कार्बन फूटप्रिंट कमी करून आणि तापमान कमी करून पृथ्वी ला हिरवेगार करण्यासाठी एका वर्षात सुमारे 50,000 झाडे लावण्याचे आणि झाडे जगविण्याचे उद्दिष्ट आहे.
स्मिता अपसिंगेकर या औरंगाबादच्या एन 4 , सिडको परिसरात राहणाऱ्या आहेत. स्मिता टेलिओ लॅब्स टीमच्या मुख्य सदस्यांपैकी एक आहे ज्यांनी वृक्षारोपण आणि झाडे दत्तक घेण्यासाठी लोकांमध्ये, विशेषतः तरुणांमध्ये जागरूकता आणण्यासाठी प्राथमिक लक्ष केंद्रित करून “ग्रीन वॉरियर” मोहीम सुरू केली. वापरकर्ते टेलिओ ईव्ही क्यू आर कोड स्कॅन करतील आणि त्यांच्या नावावर एक झाड लावले जाईल. वापरकर्त्यांना ग्रीन वॉरियर प्रमाणपत्रे मिळतील ज्यात त्यांच्या झाडाचा अनन्य कोड आणि प्रतिमा यांचा समावेश असेल . वृक्ष दत्तक घेण्यासाठी मान्यताप्राप्त स्वयंसेवी संस्थांद्वारे 80G प्रमाणपत्र जारी केले जाईल. जे वापरकर्ते झाड लावतील त्यांना ‘सिल्व्हर बॅज ‘ प्रमाणपत्र मिळेल आणि झाड दत्तक घेणाऱ्या वापरकर्त्यांना ‘गोल्ड बॅज ‘ प्रमाणपत्र मिळेल.
मोहिमेच्या लॉन्च प्रसंगी टेलिओ लॅब्स चे सीईओ अमित सिंग म्हणाले, “हवामान बदल ही सध्या जगभरातील एक गंभीर समस्या आहे. भारताची पहिली मानवी क्यू आर कोड आणि ‘ग्रीन वॉरियर्स कॅम्पेन’ सुरु केल्यामुळे लोकांमध्ये, विशेषतः तरुणांमध्ये चांगले वातावरण आणि टिकाऊपणा याविषयी जागरूकता निर्माण होईल टेलिओ ईव्ही अॅप डाउनलोड करून वाढीव झाडे लावण्याचे आमचे ध्येय आहे.”
स्मिता अपसिंगेकर- सीओओ, टेलिओलॅब्स म्हणाल्या, “”ग्रीन वॉरियर” मोहिमेद्वारे लोकांना टेलिओ ईव्ही प्लॅटफॉर्मवर आणून आम्हाला भारतात इलेक्ट्रिक वाहनांबद्दल अधिक जागरूकता निर्माण करायची आहे. आमचा विश्वास आहे की टेलिओ ईव्ही प्लॅटफॉर्म ईव्ही वापरकर्त्यांच्या सोयीसाठी तयार करण्यात आला आहे. टेलिओ ईव्ही अॅप भारतातील ईव्ही (चार्जिंग स्पेसमध्ये गेम चेंजर ठरेल”.
टेलिओ ईव्ही ही टेलिओ लॅब्स द्वारे समर्थित एक स्टार्ट-अप आहे, जी एक ग्रीन टेक इनोव्हेशन कंपनी आहे आणि टिकाऊपणासाठी तंत्रज्ञानाचा वापर करण्यावर लक्ष केंद्रित करते.. टेलिओ ईव्ही वापरकर्त्याला सर्व जवळच्या ईव्ही चार्जिंग स्टेशनचा ठावठिकाणा जाणून घेण्यास मदत करते. टेलिओ ईव्ही कार्बन फूटप्रिंट कमी करण्यासाठी काम करत आहे.
