Subscribe to our Newsletter
Loading
करिअर

ऑनलाइन रोजगार मेळाव्याचे 24 ते 26 जून दरम्यान आयोजन मुलाखती व्हिडिओ कॉन्फरन्सद्वारे

औरंगाबाद (mh20live.com) दि.२४ – जिल्हा कौशल्य विकास रोजगार व उद्योजकता मार्गदर्शन केंद्र , औरंगाबाद यांच्यामार्फत ऑनलाइन पद्धतीने पंडित दीनदयाळ उपाध्याय रोजगार मेळाव्याचे आयोजन दिनांक 24 ते 26 जून 2020 दरम्यान करण्यात आले आहे.
औरंगाबाद जिल्ह्यातील जिल्हा कौशल्य विकास रोजगार व उद्योजकता मार्गदर्शन केंद्र या कार्यालयाकडील नोंदणीकृत उमेदवारांना रोजगार उपलब्ध होण्याच्या दृष्टीने या ऑनलाईन रोजगार मेळाव्याचे आयोजन केले असून यामधील मुलाखती व्हिडिओ कॉन्फरन्सद्वारे ( स्काइप, व्हाटसप इ.द्वारे )घेण्याचे नियोजित करण्यात आलेले आहे.
मेळाव्यात रोजगार देणाऱ्या विविध नामांकित कंपन्या व उपभोक्तांकडून रिक्त पदे www. rojgar. mahaswayam.gov.in पोर्टलवर ऑनलाईन अधिसूचित करण्यात येणार आहेत. यासाठी सदर वेब पोर्टल वर नोंदणी केलेल्या आणि रिक्त पदांसाठी पात्रतेप्रमाणे निकष पूर्ण होणाऱ्या किंवा ऑनलाइन अर्ज केलेल्या उमेदवारांच्या व्हिडिओ कॉन्फरन्सद्वारे मुलाखती घेण्यात येणार आहेत . या सुवर्ण संधीचा लाभ घेण्यासाठी इच्छुक उमेदवारांनी लॉग इन करावे . तसेच ज्या नोकरी इच्छुक उमेदवारांनी अद्याप पर्यंत सेवायोजन नोंदणी केलेली नाही त्यांनी www. rojgar. mahaswayam.gov.in वर तर अँड्रॉइड मोबाईल धारकांनी प्लेस्टोअरमधून mahaswayam ॲप मोफत डाउनलोड करून नोंदणी करावी . तसेच लॉगिन करून शैक्षणिक पात्रतेनुसार उपलब्ध रिक्त पदांसाठी अर्ज करावे.
भरती इच्छुक नियोक्ते यांनी जास्तीत जास्त रिक्त पदे www.rojgar.mahaswayam.gov.in या वेब पोर्टलवर पंडित दीनदयाळ उपाध्याय जॉब फेअर ऑप्शनवर क्लिक करून औरंगाबाद ऑनलाईन जॉब शहर 1 (2020-21) यावर त्यांच्याकडील रिक्त पदे अधिसूचित करावी. तसेच मनुष्यबळाच्या मागणीची जाहिरात व प्रसिद्धी या विभागाच्या वेब पोर्टलवर विनामूल्य करावी . याबाबत काही अडचण आल्यास कार्यालयाच्या 0240 24 24 859 या दूरध्वनीवर कार्यालयीन वेळेत संपर्क साधावा. जास्तीत जास्त भरती इच्छुक नियोक्ते आणि बेरोजगार उमेदवारांनी या संधीचा लाभ घ्यावा , असे आवाहन एन.एन.सूर्यवंशी, सहाय्यक आयुक्त ,जिल्हा कौशल्य विकास रोजगार व उद्योजकता मार्गदर्शन केंद्र, औरंगाबाद यांनी प्रसिद्धीपत्रकाद्वारे केले आहे.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close