Subscribe to our Newsletter
Loading
औरंगाबाद

जिल्हाधिकारी कार्यालयात ‘माझे कुटुंब माझी जबाबदारी’ सामूहिक प्रतिज्ञेचे वाचन

औरंगाबाद :-माझे कुटुंब माझी जबाबदारी मोहीमेंतर्गत आज जिल्हाधिकारी सुनील चव्हाण यांनी जिल्हाधिकारी कार्यालयात ‘माझे कुटुंब माझी जबाबदारी’ या अभियानातील प्रतिज्ञेचे सामूहिक वाचन केले.

यावेळी  अप्पर जिल्हाधिकारी डॉ. अनंत गव्हाणे, निवासी उपजिल्हाधिकारी संजीव जाधवर, उपजिल्हाधिकारी रिता मेत्रेवार, महादेव किरवले, संगिता सानप तसेच जिल्हाधिकारी कार्यालयातील अधिकारी व कर्मचारी उपस्थित होते.

 यावेळी जिल्हाधिकारी सुनील चव्हाण यांच्या प्रमुख उपस्थितीत सर्वांनी प्रतिज्ञेचे वाचन करुन शपथ घेतली की करोना विषाणूचा संसर्ग रोखण्यासाठी मी स्वत: माझ्या कुटुंबात, परिसरात लोकांना मास्क लावणे, आपापसात  2 मीटरचे अंतर ठेवणे, साबणाने वारंवार हात धुणे या सर्व गोष्टींसाठी प्रेरित करेन. करोनाच्या काळात कोणाशीही दुर्व्यवहार अथवा भेदभाव न करता सर्वांशी आपुलकीने  व सद्भावाने वागेन. करोनाच्या लढाईत आपली ढाल म्हणून उभे असलेले- डॉक्टर, नर्स रुग्णालयातील कर्मचारी, पोलिस, सफाई कर्मचारी, सर्व कार्यकर्ते यांचा मी सन्मान व समर्थन करेन व त्यांना सर्वोतोपरी सहकार्य करेन या प्रतिज्ञेचे वाचन केले.

यावेळी जिल्हाधिकारी सुनील चव्हाण यांनी जिल्हा कोरोनामुक्त करण्यासाठी आपण सर्व समूह भावनेतून काम करत आहोत. त्यामुळे कोरोनाचा चढता आलेख खाली आणण्यात आपल्याला यश मिळत आहे. याच एकत्रित प्रयत्नांतून जिल्हा कोरोनामुक्त करु, असे आवाहन केले.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close