Subscribe to our Newsletter
Loading
देशविदेश

शहाणपणाची भूमिका घ्या, शेतकरी आंदोलनावरून शरद पवारांचा मोदी सरकारला सल्ला

आंदोलन केवळ दिल्ली पुरता सीमित राहणार नाही. त्यामुळे सरकारने अजूनही शहाणपणाची भूमिका घ्यावी

mh20live network

मुंबई : केंद्र सरकारने आणलेले नवे कृषी कायदे मागे घ्यावेत यासाठी पंजाब, हरयाणातील शेतकरी रस्त्यावर उतरला आहे. केंद्र सरकार आणि शेतकऱ्यांचे प्रतिनिधी यांच्यात शनिवारी पार पडलेल्या पाचव्या बैठकीत देखील काहीच तोडगा न निघाल्याने आंदोलन अधिक तीव्र होण्याची शक्यता आहे. या पार्श्वभूमीवर राष्ट्रवादी काँग्रेसचे सर्वेसर्वा शरद पवार यांनी याबाबत चिंता व्यक्त केली आहे. केंद्र सरकारने लवकरच यावर तोडगा न काढल्यास हे आंदोलन केवळ दिल्ली पुरता सीमित राहणार नाही. त्यामुळे सरकारने अजूनही शहाणपणाची भूमिका घ्यावी, असा सल्ला त्यांनी मोदी सरकारला दिला आहे.

शरद पवार हे रविवारी भारतरत्न डॅा. बाबासाहेब आंबेडकर यांच्या महापरिनिर्वाण दिनानिमित्त दादर येथील चैत्यभूमिवर अभिवादनासाठी आले होते. त्यानंतर त्यांनी शिवसेना खासदार संजय राऊत यांची भेट घेत प्रकृतीची चौकशी केली. यावेळी माध्यमांशी साधलेल्या संवादात शरद पवारांनी शेतकरी आंदोलनावर चिंता व्यक्त केली. संपूर्ण देशाची शेती आणि अन्न पुरवठा बघितला, तर सगळ्यात जास्त योगदान त्यात पंजाब व हरयाणातील शेतक-यांचे आहे. प्रामुख्याने तांदुळ आणि गहू यांचे उत्पादन या शेतकऱ्यांनी देशाला पुरवले. तसेच जगातील १७-१८ देशांना धान्य पुरवण्याचे काम आपला देश करतो. त्यातही पंजाब, हरयाणाचा फार मोठा वाटा असल्याचे शरद पवार यांनी सांगितले.

इथला शेतकरी जेव्हा रस्त्यावर उतरला तेव्हा त्याची गांभीर्याने दखल घेणे गरजेचे होते. मात्र दुर्देवाने तसे झाले नाही, अशी खंतही त्यांनी व्यक्त केली. जर हे असेच सूरू राहिले, तर ते दिल्लीपुरताच सीमित राहणार नाही. देशातील लोक शेतकऱ्यांच्या पाठिशी उभे राहतील आणि आपल्या पद्धतीने प्रश्न सोडवूण घेतील. त्यामुळे अजूनही शहाणपणाची भूमिका घ्यावी, अशी आपली अपेक्षा असल्याचे शरद पवार यांनी सांगत केंद्राला हा सल्ला दिला आहे. दरम्यान, ९ डिसेंबरला शेतकरी प्रतिनिधी आणि केंद्राची सहावी बैठक होणार आहे. त्यामुळे या बैठकीत काही तोडगा निघतो का याकडे सर्वांचे लक्ष लागून आहे.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close