Subscribe to our Newsletter
Loading
महाराष्ट्र

विद्यापीठातील कंत्राटी कर्मचाऱ्यांना किमान वेतन देण्यात यावे उच्च व तंत्रशिक्षण मंत्री उदय सामंत

मुंबई, दि. 08 : डॉ.बाबासाहेब आंबेडकर तंत्रशास्त्र विद्यापीठ, लोणेरे येथील कंत्राटी कर्मचाऱ्यांना कामगार कायद्याच्या नियमानुसार किमान वेतन देण्यात यावे, असे निर्देश उच्च व तंत्रशिक्षण मंत्री उदय सामंत यांनी आज दिले. मंत्रालयात डॉ.बाबासाहेब आंबेडकर तंत्रशास्त्र विद्यापीठ, लोणेरे अंतर्गत तात्पुरत्या कालावधीकरिता कंत्राटी कर्मचाऱ्यांच्या अडचणी संदर्भात बैठक आयोजित करण्यात आली होती. त्यावेळी ते बोलत होते.
विद्यापीठामध्ये विविध विभागांतर्गत तात्पुरत्या कालावधीकरीता कंत्राटी कर्मचाऱ्यांची भरती प्रक्रिया केली जाते. मात्र या कामगारांना कामगार कायद्याच्या नियमानुसार किमान वेतन दिले जात नाही अशा अनेक तक्रारी शासनाकडे प्राप्त होत आहेत. याची दखल घेऊन उच्च व तंत्रशिक्षण मंत्री श्री. सामंत यांनी बैठकीत कंत्राटी कर्मचाऱ्यांच्या वेतनासंदर्भात आढावा घेतला. श्री. सामंत म्हणाले, विद्यापीठामध्ये कुशल, अर्धकुशल, अकुशल गटामध्ये तात्पुरत्या कालावधीकरीता कंत्राटी कर्मचारी आणि कामगार काम करीत असतात त्यांना कामगार कायद्यानुसार वर्गवारीनुसार किमान वेतन मिळाले पाहिजे. मात्र काही विद्यापीठांमध्ये कंत्राटी कामगारांना किमान वेतन दिले जात नाहीत अशा तक्रारी आहेत. विद्यापीठांनी कामगार कायद्यानुसार त्यांना किमान वेतन द्यावे, त्यामुळे कामगारांच्या सद्याच्या वेतनापेक्षा किमान 4 ते 5 हजारांनी वाढ होऊन त्यांच्या हक्काचे वेतन मिळेल, असेही श्री. सामंत यांनी यावेळी सांगितले.
बैठकीला कामगार विभागाचे आयुक्त डॉ. महेंद्र कल्याणकर, उच्च व तंत्रशिक्षण विभागाचे उपसचिव सतीश तिडके, बाबासाहेब आंबेडकर तंत्रशास्त्र विद्यापीठाचे कुलगुरु श्री. रामा शास्त्री, कुलसचिव डॉ.बी.एफ.जोगी, अधिष्ठाता डॉ. नलबलवार, सह सहयोगी अधिष्ठाता डॉ.जोशी आदी उपस्थित होते.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close