Subscribe to our Newsletter
Loading
राजकीय

महाराष्ट्राला पहिला ब्राह्मण मुख्यमंत्री देण्याचे धाडस बाळासाहेबांनी केले

मुंबई /mh20live Network

नवी दिल्ली : माझी जात ब्राह्मण असल्याने मला टार्गेट केले जाते,असा आरोप विरोधी पक्षनेते देवेंद्र फडणवीस यांनी केला आहे. यावर आता शिवसेना खासदार संजय राऊत यांनी प्रतिक्रिया दिली आहे. महाराष्ट्रात जात हा महत्त्वाचा विषय कधीच राहिलेला नाही.तर महाराष्ट्राला पहिला ब्राह्मण मुख्यमंत्री देण्याचे धाडस शिवसेनाप्रमुख बाळासाहेब ठाकरे यांनी दाखवले होते,असे उत्तर संजय राऊत यांनी दिले आहे.

यावर अधिक बोलताना संजय राऊत म्हणाले, महाराष्ट्र जात-धर्म मानत नाही. महाराष्ट्रात दलित, मुस्लिम मुख्यमंत्री झाले आहेत. शिवसेनाप्रमुख बाळासाहेब ठाकरे यांनीच महाराष्ट्राला पहिला ब्राह्मण मुख्यमंत्री दिला, अशी आठवण संजय राऊतांनी यावेळी करून दिली. तर महाराष्ट्रात जात हा विषय कधीच महत्त्वाचा राहिलेला नाही, अशी स्पष्टोक्ती संजय राऊत यांनी केली. मराठा आरक्षणाच्या मुद्द्यावर भाष्य करताना देवेंद्र फडणवीस यांनी आपल्या जातीचा उल्लेख करत महाविकास आघाडी सरकारवर टीका केली होती.

 देवेंद्र फडणवीस काय म्हणाले होते?

जेव्हा तुम्ही लोकांना समजावू शकत नाही तेव्हा त्यांना गोंधळात टाका, असा सिद्धांत आहे. आणि कसेही करून हे मागच्या सरकारच्या माथी कसे मारायचे.दुर्दैवाने, मी स्पष्ट बोलत आहे की, काही बोटावर मोजण्या इतकी अशी काही लोक आहेत. ज्यांना असे वाटते की, माझी जात ब्राह्मण असल्यामुळे माझ्या माथी सर्व मारले तर चालते. असा प्रयत्न काही लोक करतात. पण मराठा समाजाला आणि राज्यातील सगळ्या लोकांना हे माहिती आहे की, समाजाच्या हिताकरिता मी काय केले आहे. त्यामुळे अशा बातम्या पसरवण्याचे जे काम करतात ते यशस्वी होणार नाहीत, असे देवेंद्र फडणवीस म्हणाले, असे देवेंद्र फडणवीस म्हणाले.

Show More

mh20live

आपल्या हक्काचे लोकप्रिय रोखठोक डिजिटल व्यासपीठ MH20LIve 🎥🖋️ mh20live चॅनल आपल्या हक्काचे चॅनल आपल्या भागातील ताज्या घडामोडी,संस्कृती, मनोरंजन व क्राइम बातम्या बघण्यासाठी www.mh20live.com आमच्या चॅनललाsubscribe करून घंटी समोरील बटन दाबा. mh20live Network अल्पावधीतच प्रसिद्धी मिळत असून महाराष्ट्रभर प्रतिनिधी नेमणूक सुरू आहे.संर्पक [email protected] MH20Live हे न्यूज पोर्टल mh20live Network Group यांनी प्रसारित केले असून यातील प्रत्येक मताशी ते सहमत असतीलच असे नाही आहे. औरंगाबाद न्याय कक्ष)

Related Articles

Leave a Reply

Your email address will not be published.

Back to top button
Close
Close